6 თვეში ოჯახში ფსიქოლოგიური ძალადობის 4965 შემთხვევა დაფიქსირდა

08 აგვისტო 2019, 22:12 2137 ნახვა

6 თვეში ოჯახში ძალადობის ფაქტებზე სულ 5399 შემაკავებელი ორდერი დაიწერა.

საქართველოს შინაგან საქმეთა სამინისტროს ინფორმაციით, 2019 წლის იანვრიდან-ივნისის ჩათვლით ძალადობის მსხვერპლების დასაცავად 5399 შემაკავებელი ორდერი გამოიცა. მათგან ყველაზე მეტი თბილისში-2655, ხოლო ყველაზე ნაკლები რაჭა-ლეჩხუმში-28.

რაც შეეხება აჭარას. აჭარაში ძალადობის მსხვერპლის დასაცავად სულ 428 შემაკავებელი ორდერი გამოიცა.

რაც შეეხება ძალადობის სახეებს. სტატისტიკის თანახმად, 6 თვეში ყველაზე ხშირად ადგილი ჰქონდა ფსიქოლოგიურ ძალადობას- 4965 ფაქტი, მას მოსდევს ფიზიკური ძალადობის ფაქტები-1421 შემთხვევა.

საანგარიშო პერიოდში 14-ჯერ მსხვერპლზე სექსუალურად იძალადეს.

ოჯახში სექსუალური ძალადობის ერთი შემთხვევა აჭარაშიც დაფიქსირდა.

ეკონომიკურ ძალადობას კი ადგილი 137-ჯერ ჰქონდა.

შინაგან საქმეთა სამინსიტროს ინფორმაციით ოჯახური დანაშაულის შესახებ მომართვიანობა ბოლო 6 თვეში საგრძნობლად გაიზარდა .

აჭარის საზოგადოებრივი მაუწყებელი

ადმინისტრატორი