ხვალ დაგეგმილი  კონფერენცია საქართველოს ევროპული გზა, აღმოსავლეთ  პარტნიორობის დაფუძნების 10 წლისთავს ეძღვნება და  პირველ რიგში სწორედ ამ ათი წლის პარტნიორობის შედეგებს შეაჯამებენ. კონფერენციას რამდენიმე განზომილება აქვს , პოლიტიკურთან ერთად ეკონომიკურ ნაწილსაც მოიცავს  და წელს პირველად   აღმოსავლეთ პარტნიორობის საინვესტიციო ფორუმიც გაიმართება, სადაც მონაწილეობას 400-მდე დელეგატი მიიღებს .კონფერენციაზე  განიხილავენ სამომავლო გეგმებს, ახალ ინვესტიციებსა და იდეებს, ასევე გაფორმდება ორმხრივი დოკუმენტები როგორიცაა საფინანსო შეთანხმება უსაფრთხოების გაძლიერებისა და დანაშაულის  წინააღმდეგ ბრძოლის მიმართულებით .  გაფორმდება მემორანდუმი ევროპის საინვესტიციო ბანკთან რაც  საქართველოსა და ევროპის საინვესტიციო ბანკს შორის 5 წლიან თანამშრომლობას  ითვალისწინებს. კონფერენცია   რიგით მეთექვსმეტე და  მას წელს პირველად  ეწვევა ევროპული საბჭოს პრეზიდენტი დონალდ  ტუსკი. საგარეო საქმეთა სამინისტროში აცხადებენ , რომ წლევანდელი  შემადგენლობა თავისი წარმომადგენლობითა და რაოდენობით უპრეცედენტოა. მონაწილეებს შორის არიან   ევროკავშირის ქვეყნებიდან საგარეო საქმეთა მინისტრები, სახელმწიფო მინისტრები და მაღალი რანგის  პირები.

კონფერენციას ბათუმი ორი დღის განმავლობაში 11-12 ივლისს  უმასპინძლებს. რამდენიმე საათში  ბათუმის აეროპორტში  ევროპული საბჭოს პრეზიდენტი, შვედეთისა და პოლონეთის  საგარეო მინისტრები,ასევე გერმანიისა და სერბეთის დელეგაციები ჩამოფრინდებიან . კონფერენცია კი ხვალ 9 საათზე გაიხსნება ,პირველი მომხსნებელები მისასალმებელი სიტყვით  საგარეო საქმეთა მინისტრი,  პრემიერ მინისტრი, პარლამენტის თავმჯდომარე  არჩილ თალაკვაძე და აჭარის მთავრობის თავმჯდომარე იქნებიან .