ბუნებრივი აირის აფეთქების შედეგად დანგრეულ კორპუსში ექსპერტ-კრიმინალისტები მუშაობენ
17 იანვარი 2019, 00:00 1657 ნახვასაქართველო დაღუპულებს გლოვობს - ქვეყანა სამძიმრის წერილებს იღებს. დაშვებულია სახელმწიფო დროშები. როგორც იცით, ტრაგედიის შედეგად გუშინ თბილისში 4 ადამიანი დაიღუპა, მათ შორის ერთი მცირეწლოვანია.
5-წევრიანი ოჯახიდან მამა და ორი ბავშვი გადარჩა, დაიღუპა ბავშვების დეიდაც. დაღუპულია მეგობართან მყოფი ახალგაზრდა კაცი. აფეთქების ადგილს მთელი დღეა სწავლობენ ექსპერტ-კრიმინალისტები, მიმდინარეობს გამოძიება.
ვინ დაუშვა შეცდომა, ვინ არის პასუხისმგებელი ადამიანების სიცოცხლეზე, დაცული იყო თუ არა სტანდარტი და შემოწმდა თუ არა შესაძლო გაჟონვა თავის დროზე სათანადოდ? ამ კითხვებს დღეს ყველა მხარე სვამდა - პასუხები გამოძიებამ უნდა გასცეს.
მსგავსი შემთხვევა შარშან ბათუმშიც მოხდა ახვლედიანის ქუჩაზე, თუმცა გამოძიებამ დანაშაულის ნიშნები ვერ გამოკვეთა და საქმე დახურა. ახლა საქმე 4 ადამიანის სიცოცხლეს ეხება, შესაბამისად, დამნაშავის გამოკვეთას და დასჯას საზოგადოება მკაცრად და მკაფიოდ ითხოვს.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა