ფემიციდზე პეტიცია შეიქმნა
16 აპრილი 2018, 00:00 1573 ნახვაქალთა მოძრაობამ ფემიციდზე პეტიცია შექმნა. ავტორები ქალების გახშირებული მკვლელობების გამო საქართველოს პარლამენტს, პროკურატურას, შსს-სა და პრეზიდენტს მიმართავენ.
პეტიციის ავტორები მოუწოდებენ საქართველოს პარლამენტს მიიღოს სპეციალური მუხლი სისხლის სამართლის კოდექსში ფემიციდის აკრძალვის შესახებ, ან გამოყოს გენდერულად მოტივირებული მკვლელობა დამამძიმებელ გარემოებად და განსაზღვროს ამ დანაშაულისთვის 13-20 წლამდე თავისუფლების აღკვეთა.
პროკურატურამ სპეციალური მუხლის ამოქმედებამდე ჩადენილი ფემიციდის შემთხვევებში გამოკვეთოს გენდერული დისკრიმინაციის მოტივი, რათა მოსამართლემ შეძლოს სანქციის დამძიმება.
შინაგან საქმეთა სამინისტრომ კი დროულად შეიმუშაოს და ეფექტურად აღასრულოს რისკების შეფასება. საქართველოს პრეზიდენტმა არ გამოიყენოს შეწყალების უფლებამოსილება ფემიციდსა და სხვა გენდერული სიძულვილით მოტივირებულ დანაშაულებზე - აღნიშნულია განცხადებაში.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა