22 მარტს, სარფის საბაჟოზე მიმოსვლა 12 საათით შეიზღუდება
19 მარტი 2018, 00:00 12842 ნახვა
თურქეთის საკონსულოს მიერ გავრცელებული ინფორმაციით, 22 მარტს, სარფის სასაზღვრო გამშვებ პუნქტზე მიმოსვლა შეიზღუდება. თურქეთის მხარე, კომპიუტერული სისტემის ახალ შენობაში გადატანას გეგმავს. სარეკონსტრუქციო სამუშაოების გამო კი მგზავრთა მომსახურება 12 საათის განმავლობაში, დილის 8 საათიდან, საღამოს 20:00 საათამდე შეუძლებელი იქნება. საბაჟო გამშვებ პუნქტზე შეჩერებული იქნება სატრანსპორტო საშუალებების მოძრაობაც.
"დროის ამ მონაკვეთში მგზავრთა და სატრანსპორტო საშუალებების გატარება დროებით იქნება შეჩერებული. თურქეთის მოქალაქეებსა და ქართველ მეგობრებს მადლობას ვუხდით გაგებისთვის" - ნათქვამია ბათუმში თურქეთის გენერალური საკონსულოს მიერ გავრცელებულ ინფორმაციაში.
კომპიუტერული სისტემის გათიშვის გამო, სარფის საბაჟო, ორმხრივად, 7 მარტსაც ჩაიკეტა. თურქული მხარე, სისტემის გათიშვის შედეგად, რამდენიმე დღის განმავლობაში, ვერ ახერხებდა მოქალაქეების გადამოწმებას და საზღვარზე გატარებას.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა