ზდანევიჩის საღამო ბათუმში
02 ოქტომბერი 2017, 00:00 2823 ნახვაილია და კირილ ზდანევიჩების მიერ პირველი ქართული ავანგარდული მოძრაობა 41˚-ის დაფუძნების 100 წლისთავი აღინიშნა ბათუმში. ილია ზდანევიჩის არქივებიდან ამოღებული მასალებით ახალ ბულვარში ამფითეატრში გამოფენა მოეწყო. ზდანევიჩების საღამოს მიეძღვნა დიზაინერ უტა ბექაიასა და ბათუმის ხელოვნების უნივერსიტეტის სტუდენტების კოსტიუმირებული პერფომანსი სახელწოდებით „ილიაზდი“.
საღამოს ესწრებოდნენ ილია ზდანევიჩის მკვლევარები და მარი ჟანტი - შანელის სახლის არქივების წარმომადგენელი. აღსანიშნავია, რომ ილია ზდანევიჩი, რომლის სახელთანაა დაკავშირებული ნიკო ფიროსმანის აღმოჩენა და რომელმაც მოღვაწეობა 1917 წელს ბათუმიდან დაიწყო 8 წლის განმავლობაში მუშაობდა პარიზში. იგი შანელის სამი ქარხნის ხელმძღვანელი იყო. საღამოზე ასევე გაჟღერდა იდეა, რომ ახალ ბულვარში ამფითეატრის მიმდებარედ შესაძლოა ზდანევიჩის ხელოვნების ცენტრი აშენდეს.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა