სტიქია დასავლეთ საქართველოში

21 მაისი 2017, 00:00 2503 ნახვა

გადაუღებელმა წვიმებმა პრობლემები შეუქმნა საქართველოს ნაწილს. წყალტუბოს მუნიციპალიტეტის სოფელ ჟონეთში უხვი ნალექის გამო, ადგილობრივების საცხოვრებელი სახლების პირველი სართულები და ეზოები დაიტბორა.

სტიქიამ ასევე გაანადგურა მოსახლეობის სახნავ-სათესი სავარგულები და შინაური ფრინველი. უხვმა ნალექმა რაჭა – ლეჩხუმისა და ქვემო სვანეთის მხარეში მდინარეების ადიდება გამოიწვია, რის შედეგადაც სავარგულების და სახნავ – სათესი მიწების ნაწილი აქაც დაიტბორა.

რაჭა-ლეჩხუმისა და ქვემო სვანეთის სახელმწიფო რწმუნებულის - გუბერნატორის ადმინისტრაციის ინფორმაციით, მოვარდნილმა ღვარცოფმა დააზიანა ამბროლაურის აეროპორტის დამცავი კედლის ნაწილი, მიმდებარე ტერიტორია კი დატბორა. მიმდინარეობს სტიქიის შედეგების სალიკვიდაციო სამუშაოები. დაწყებულია ზარალის დათვლაც.