დღეიდან სეზონური გრიპის საწინააღმდეგო ვაქცინაცია უფასო იქნება
04 ნოემბერი 2024, 10:05 259 ნახვადღეიდან ქვეყნის მასშტაბით, სეზონური გრიპის საწინააღმდეგო ვაქცინაცია ყველა მოქალაქისთვის უფასოა. აცრა ვაქცინაციის სერვისის მიმწოდებელ სამედიცინო დაწესებულებებში 6 თვის ასაკიდანაა შესაძლებელი და სრულად უფასოა.
დაავადებათა კონტროლის ეროვნული ცენტრის ცნობით, იმუნიზაცია ოთხკომპონენტიანი ვაქცინით მიმდინარეობს, რომელიც ერთ-ერთია ჯანმოს მიერ რეკომენდებულ ვაქცინებს შორის. სპეციალისტების ინფორმაციით, ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
18 ოქტომბერს დაიწყო ვაქცინაციის პირველი ეტაპი ძირითადად რისკ-ჯგუფებში შემავალი კატეგორიისთვის და აჭარაში 5 ათასზე მეტმა მოქალაქემ უკვე ჩაიტარა ვაქცინაცია.
საზოგადოებრივი ჯანდაცვის ცენტრის ინფორმაციით, დღეიდან პირველადი ჯანდაცვის ცენტრებში გრიპის საწინააღმდეგო აცრა ყველასთვის ხელმისაწვდომია.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა