გვაქვს დამატებითი მტკიცებულებები, რომ შეიარაღება, რომელსაც უკრაინაში რუსეთი იყენებს, ჩრდილოეთ კორეიდან უკანონოდ არის იმპორტირებული - სამხრეთ კორეის თავდაცვის მინისტრი

01 ივნისი 2024, 21:40 370 ნახვა

არსებობს დამატებითი მტკიცებულებები იმისა, რომ უკრაინაში რუსეთის მიერ გამოყენებული შეიარაღება ჩრდილოეთ კორეიდან უკანონოდ არის იმპორტირებული, - ამის შესახებ, სამხრეთ კორეის თავდაცვის მინისტრმა, შინ ვონ-სიკიმ განაცხადა.

„რუსეთსა და ჩრდილოეთ კორეას შორის სამხედრო თანამშრომლობა ზრდის დაძაბულობას კორეის ნახევარკუნძულზე და ასევე, გავლენას ახდენს ევროპაში საბრძოლო მოქმედებებზე“, - განაცხადა სამხრეთ კორეის თავდაცვის მინისტრმა.

ვონ-სიკის თქმით, თუ ფხენიანი გააგრძელებს მოსკოვისგან სამხედრო ტექნოლოგიების მიღებას, ჩრდილოეთ კორეის სამხედრო შესაძლებლობები საგრძნობლად გაიზრდება.

სამხრეთ კორეის თავდაცვის მინისტრმა, ასევე, მოუწოდა ჩინეთს, უფრო აქტიური როლი შეასრულოს კორეის ნახევარკუნძულზე ბირთვული განიარაღებისთვის.

აჭარის მაუწყებელი

სოც. ადმინისტრატორი