მაღალმთიან აჭარაში დილიდან თოვს
21 ნოემბერი 2023, 11:42 792 ნახვადილიდან ინტენსიურად თოვს მაღალმთიან აჭარაში.
თოვლის საფარი მაღალი ზონის სოფლებში 30 სმ აღწევს, დაბაში კი 5-7 სანტიმეტრია.
აჭარის საავტომობილო გზების დეპარტამენტის ინფორმაციით, დანისპარაულში, ბაკიბაკოში, თხილვანაში და სხვა სოფლებში შიდა საუბნო გზები უკვე იწმინდება. ცენტრალურ გზაზე გადაადგილება შეფერხებული არ არის.
მუნიციპალიტეტში შეუფერხებლად მუშაობს საგანმანათლებლო დაწესებულებები, თუმცა ხულოს 3 და შუახევის 3 საბავშვო ბაღში აღსაზრდელები არ გამოცხადდნენ.
ელექტროენერგიის მიწოდების მხრივ შეფერხებები ფიქსირდება ხიხაძირისა და დიოკნისის ადმინისტრაციულ ერთეულებში.
"ენერგო-პრო-ჯორჯიაში" განმარტავენ, რომ უხვმა ნალექმა დააზიანა ელექტროსადენები და დილიდან მიმდინარეობს აღდგენითი სამუშაოები. მათივე ინფორმაციით, უმოკლეს დროში მოხდება დაზიანებული მონაკვეთების აღდგენა.
დიდთოვლობის გამო ყველა სახის ავტოტრანსპორტის მოძრაობა აკრძალულია გოდერძის უღელტეხილიდან ახალციხის მიმართულებით მონაკვეთზე.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა