ღაზაში „ჰამასის“ 130 გვირაბი გავანადგურეთ - ისრაელის თავდაცვის ძალები

09 ნოემბერი 2023, 10:01 409 ნახვა

ისრაელის ჯარები ღაზის სექტორს კვლავ ინტენსიურად უტევენ. ისრაელის თავდაცვის ძალებში აცხადებენ, რომ ღაზაში, ომის დაწყების შემდეგ, „ჰამასის“ 130 გვირაბი გაანადგურეს.

მათივე ინფორმაციით, ასევე გაანადგურეს „ჰამასის“ გვირაბი, რომელიც ჩრდილოეთ ღაზაში, გაერო-ს პალესტინელ ლტოლვილთა დახმარების სააგენტოს მფარველობის ქვეშ არსებულ სკოლასთან ახლოს მდებარეობდა.

ღაზის სექტორში ჰუმანიტარული მდგომარეობა კვლავ კრიტიკულია. კოლონამ, რომელსაც გადაუდებელი სამედიცინო საშუალებები და მედიკამენტები გადაჰქონდა მიაღწია ღაზას ქალაქ ალ-შიფას საავადმყოფოს. ეს არის გაეროსა და ჯანდაცვის მსოფლიო ორგანიზაციის (WHO) ერთობლივი ძალისხმევა.

UNRWA-მ და ჯანმო-მ კვლავ მოითხოვეს საწვავის მიწოდება ჰუმანიტარული სააგენტოებისთვის ღაზის სექტორში. განცხადებაში აღნიშნულია, რომ საწვავის გარეშე საავადმყოფოები და სხვა აუცილებელი ობიექტები ვერ ფუნქციონირებენ და შედეგად უფრო მეტი ადამიანი დაიღუპება.

აჭარის მაუწყებელი

სოც. ადმინისტრატორი