ბალიზე გვალვის გამო სასმელი წყლის დეფიციტია
23 ოქტომბერი 2023, 10:44 600 ნახვაინდონეზიის საკურორტო კუნძულ ბალიზე ადგილობრივმა ხელისუფლებამ 14 დღიანი საგანგებო მდგომარეობა გამოაცხადა ელ-ნინოს ფენომენის შედეგად გამოწვეული გვალვების გამო. კუნძულზე სასმელი წყლის დეფიციტია. სუფთა წყლისთვის ადამიანებს რიგში დგომა უწევთ.
კუნძულის ყველაზე დაზარალებულ რაიონში ბოლო 5 თვე წვიმა არ ყოფილა. მის უმსხვილეს წყლის საცავში თავდაპირველი 8 მილიონი კუბური მეტრის ნაცვლად ახლა მხოლოდ 320 ათას კუბური მეტრი წყალია. გვალვების გაგრძელების შემთხვევაში შიშობენ, რომ წყალსაცავი მთლიანად დაშრება. მშრალმა ამინდებმა უარყოფითად იმოქმედა მოსავალზეც.
ინდონეზიის სტატისტიკური ბიუროს განცხადებით, 2023 წელს ქვეყანაში ბრინჯის მოსავალი სავარაუდოდ საგრძნობლად შემცირდება. ინდონეზიის ამინდის სააგენტომ ფერმერები წლის დასაწყისში ელ ნინოს გამო ძლიერი მშრალი სეზონის შესახებ გააფრთხილა, რომელიც საფრთხეს უქმნის მოსავალს და ზრდის ტყის ხანძრების რისკს.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა