უკანონო, სეპარატისტული მარიონეტული რეჟიმი უნდა დაიშალოს და აზერბაიჯანის ყარაბაღის რეგიონში დისლოცირებული სომხური ძალები განიარაღდეს - აზერბაიჯანის პრეზიდენტის თანაშემწე

19 სექტემბერი 2023, 18:49 464 ნახვა

უკანონო, სეპარატისტული მარიონეტული რეჟიმი უნდა დაიშალოს და აზერბაიჯანის ყარაბაღის რეგიონში დისლოცირებული სომხური შეიარაღებული ძალები განიარაღდეს, – ამის შესახებ აზერბაიჯანის პრეზიდენტის თანაშემწემ და პრეზიდენტის ადმინისტრაციის საგარეო პოლიტიკის დეპარტამენტის უფროსმა, ჰიქმეთ ჰაჯიევმა „ტვიტერის“ გვერდზე დაწერა.

„აზერბაიჯანი იყენებს ზუსტ მართვად საბრძოლო მასალას ლეგიტიმური სამხედრო სამიზნეების წინააღმდეგ და, ყველა საშუალებით, თავიდან ირიდებს მშვიდობიანი მოსახლეობის ზიანს. აზერბაიჯანის ყარაბაღის რეგიონში სომხური წარმოშობის მშვიდობიანი მოქალაქეების უფლებები და უსაფრთხოება უზრუნველყოფილი იქნება აზერბაიჯანის კონსტიტუციით და საერთაშორისო ვალდებულებებით. დაშლა და განიარაღება!“, – დაწერა ჰიქმეთ ჰაჯიევმა.

აჭარის მაუწყებელი

სოც. ადმინისტრატორი