უკრაინის თავდაცვის ძალებსა და მოწინააღმდეგეს შორის, 30-ზე მეტი საბრძოლო შეტაკება მოხდა - უკრაინის გენშტაბი

09 აგვისტო 2023, 09:54 478 ნახვა

უკრაინის თავდაცვის ძალებსა და მოწინააღმდეგეს შორის, გასული დღის განმავლობაში, 30-ზე მეტი საბრძოლო შეტაკება მოხდა - ამის შესახებ ინფორმაციას უკრაინის შეიარაღებული ძალების გენერალური შტაბი ავრცელებს.

მათივე ცნობით, გასული დღის განმავლობაში, უკრაინის ტერიტორიაზე 4 სარაკეტო და 53 საჰაერო დარტყმა განახორციელეს და უკრაინის ჯარების პოზიციებსა და დასახლებებს მრავალჯერადი სარაკეტო სისტემებიდან ცეცხლი 86-ჯერ გაუხსნეს.

გენშტაბის ცნობით, უკრაინის თავდაცვის ძალები აგრძელებენ შეტევითი ოპერაციის ჩატარებას მელიტოპოლისა და ბერდიანსკის მიმართულებებზე და მიღწეულ პოზიციებზე მაგრდებიან.

უკრაინის თავდაცვის ძალების ავიაციამ, ბოლო 24 საათის განმავლობაში, 10 დარტყმა მიაყენა მოწინააღმდეგის პირადი შემადგენლობის, იარაღისა და სამხედრო ტექნიკის თავმოყრის რაიონებს.

აჭარის მაუწყებელი

სოც. ადმინისტრატორი