„ნაპოლის“ მომავალი სეზონიდან რუდი გარსია გაწვრთნის

16 ივნისი 2023, 11:08 428 ნახვა

''ნაპოლის'' ახალი მწვრთნელის ვინაობა გაირკვა. როგორც კლუბის პრეზიდენტმა განაცხადა, ლუჩანო სპალეტის რუდი გარსია შეცვლის. კონტრაქტის დეტალები უცნობია.

რუდი გარსიას იტალიაში მუშაობის გამოცდილება აქვს: 2013-2016 წლებში ის რომას მთავარი მწვრთნელი იყო. სახელი სამშობლოში გაითქვა, სადაც ლილს 2011 წელს საფრანგეთის ჩემპიონატი და თასი მოაგებინა.

ასევე იმუშავა სენტ-ეტიენში, მარსელსა და ლიონში. მის აქტივში უნდა შევიტანოთ 2018 წელს მარსელის ევროპალიგის ფინალში და 2020 წელს ლიონის ჩემპიონთა ლიგის ნახევარფინალში გაყვანაც.

ბოლოს რუდი ალ-ნასრისში მუშაობდა, სადაც კრიშტიანო რონალდო თამაშობს. ამგვარად, ხვიჩა კვარაცხელიას მომდევნო სეზონიდან 59 წლის ფრანგ სპეციალისტთან მუშაობა მოუწევს.

ირაკლი დარცმელიძე

სპორტული ჟურნალისტი