მოსკოვში მიტროპოლიტ ნიკოლოზის ოფიციალური ვიზიტი არ ყოფილა, უკანასკნელ პერიოდში ის არაერთხელ სწვევია რუსეთის დედაქალაქს კერძო და პირადი საჭიროებიდან გამომდინარე - საპატრიარქო

25 მაისი 2023, 19:17 592 ნახვა

საქართველოს საპატრიარქოს საზოგადოებასთან ურთიერთობის სამსახური მეუფე ნიკოლოზის მოსკოვში ჩასვლასთან დაკავშირებით განმარტებას ავრცელებს.

„მედიასა და ინტერნეტსივრცეში გავრცელდა ინფორმაცია, თითქოს ახალქალაქის, კუმურდოსა და კარის მიტროპოლიტი ნიკოლოზი (ფაჩუაშვილი) მოსკოვში რუსეთის პატრიარქ კირილეს ანგელოზის დღის მისალოცად საქართველოს საპატრიარქომ გაგზავნა. აღნიშნულთან დაკავშირებით განვმარტავთ: საქართველოს საპატრიარქოს არ ჰქონდა ინფორმაცია იმის შესახებ, რომ მიტროპოლიტი ნიკოლოზი ამ დღეს ღვთისმსახურებას ესწრებოდა, ვიდრე ინტერნეტში არ გავრცელდა შესაბამისი ფაქტის ამსახველი ფოტომასალა. გარდა ამისა, გარკვევით აღვნიშნავთ, რომ ეს არ ყოფილა მიტროპოლიტ ნიკოლოზის ოფიციალური ვიზიტი. უკანასკნელ პერიოდში იგი არაერთხელ სწვევია მოსკოვს კერძო და პირადი საჭიროებიდან გამომდინარე, რადგან მას რუსეთის დედაქალაქში ჰყავს ოჯახის წევრები და სხვა ახლობლები“, – ნათქვამია განცხადებაში.

აჭარის მაუწყებელი

სოც. ადმინისტრატორი