საქართველოს თასის ფინალში ქუთაისის "ტორპედო" და თბილისის "ლოკომოტივი 2" ითამაშებს

02 ნოემბერი 2022, 16:13 1108 ნახვა

საქართველოს დავით ყიფიანის სახელობის თასის ფინალში ქუთაისის "ტორპედო" და თბილისის "ლოკომოტივი 2" გავიდნენ. პირველ ნახევარფინალში "ტორპედომ" "დინამო" თბილისი 2-0 დაამარცხა და ფინალის საგზური მოიპოვა.

ფინალში გასვლა სენსაციურად მოახერხა თბილისის "ლოკომოტივის" დუბლშემადგენლობის გუნდმა. "ლოკომოტივი 2" თბილისის "საბურთალოს" დაუპირისპირდა.

შეხვედრის ძირითადი დრო და ასევე დამატებითი ტაიმები ფრედ 0-0 დასრულდა. პენალტების სერიაში კი "ლოკომოტივის" მეორე გუნდმა 7-6 გაიმარჯვა და ფინალში ითამაშებს.

ამრიგად 2022 წლის საქართველოს დავით ყიფიანის სახელობის თასის ფინალში ქუთაისის "ტორპედო" და თბილისის "ლოკომოტივი 2" ითამაშებს. სატიტულე შეხვედრას კი 7 დეკემბერს ბათუმის სტადიონი უმასპინძლებს.

სეო წილოსანი

სპორტული ჟურნალისტი