სტუდენტების დაფინანსების პროგრამა

05 სექტემბერი 2022, 14:43 2196 ნახვა

ქობულეთის მერია მუნიციპალიტეტში რეგისტრირებულ 8-სტუდენტს ერთჯერადად 2000-2000 ლარს გადასცემს. ეს შეეხება იმ სტუდენტებს, რომლებმაც წელს ერთიან ეროვნულ გამოცდებში 100% -ანი გრანტი მოიპოვეს.

ასევე, პროგრამის ფარგლებში, მუნიციპალიტეტში რეგისტრირებულ მაღალი აკადემიური მოსწრების მქონე 85-სტუდენტს 400-400 ლარი გადაეცემა, სოციალურად დაუცველი 100 000 ქულის მფლობელი და მაღალი აკადემიური მოსწრების სტუდენტები წელიწადში ორჯერ 800-800-ლარს მიიღებენ. სტუდენტები კი, რომლებმაც უცხოეთის სხვადასხვა უნივერსიტეტში ჩააბარეს, მათთვის ერთჯერადად 3000-ლარია გათვალისწინებული.

ქობულეთის მერიაში აცხადებენ, რომ პროგრამის მიზანი სტუდენტების მოტივაციის ამაღლება და საშუალებაა, რომ სწავლის გადასახადი დაფარონ.

საერთო ჯამში, ქობულეთის მერიის ბიუჯეტიდან სტუდენტების დაფინანსებისთვის 151 ათასი ლარია გამოყოფილი.

ლევან ურიდია

ჟურნალისტი