"მაიმუნის ყვავილის“ ვირუსის სადიაგნოსტიკოდ მალე სპეციალური პისიარ ტესტი გვექნება - ამირან გამყრელიძე

24 მაისი 2022, 21:36 1081 ნახვა

"მაიმუნის ყვავილის“ ვირუსის 2-3 საათში სადიაგნოსტიკოდ მალე სპეციალური პისიარ ტესტი გვექნება, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ საქართველოს პირველი არხის ეთერში განაცხადა.

როგორც ამირან გამყრელიძემ აღნიშნა, "მაიმუნის ყვავილის“ გავრცელების კუთხით საქართველო დაბალი რისკის ქვეყნად ითვლება

"დღეს არის ეგრეთ წოდებული დაკვირვების და მზადყოფნის რეჟიმი. უნდა გავაძლიეროთ ეპიდზედამხედველობა გამონაყრით მიმდინარე დაავადებებზე, გვქონდეს სიმძლავრეები, რომ დავსვათ ლაბორატორიული დიაგნოზი. ჩვენთან, ლუგარის ცენტრში გვაქვს საშუალება, გენუმის სეკვენირებით დავადგინოთ ვირუსი. მოვახდინოთ „მაიმუნის ყვავილის“ ვირუსის იდენტიფიცირება.

"მაიმუნის ყვავილის“ ვირუსის 2-3 საათში სადიაგნოსტიკოდ სულ მალე სპეციალური პისიარ ტესტი გვექნება. ჩვენ მაინც დაბალი რისკის ქვეყნად ვითვლებით, მაგრამ უნდა გავაძლიეროთ ეპიდზედამხედველობა და ლაბორატორიული მზადყოფნა. საეჭვო სიმპტომებით თუ გამოჩნდა ადამიანი, აუცილებელად 21 დღის განმავლობაში უნდა იყოს იზოლაციაში“, – განაცხადა ამირან გამყრელიძემ.

აჭარის მაუწყებელი
სოც. ადმინისტრატორი

ამავე კატეგორიაში