ჩინეთის წითელი ჯვარი უკრაინას ჰუმანიტარული დახმარების სახით  დამატებით  10 მილიონ იუანს  გამოუყოფს რაც  ერთ მილიონ 570 ათას ამერიკული დოლარის  ეკვივალენტურია.  ამის შესახებ ჩინეთის საგარეო საქმეთა სამინისტროს პრეს-სპიკერმა  ვან ვენბინმა განაცხადა. 

ჩინეთმა  უკრაინას თვის დასაწყისში    5 მილიონი იუანით დაეხმარა.  ჩინეთის საგარეო საქმეთა სამინისტროში ბრიფინგი აშშ-ის პრეზიდენტის ჯო ბაიდენის ჩინელ კოლეგასთან სი ძინპინთან სატელეფონო საუბრის შემდეგ  გაიმართა. ვაშინგტონმა პეკინი გააფრთხილა, რომ   რუსეთის მხარდაჭერის შემთხვევაში  პასუხისმგებლობა დაეკისრება. 

ჯო ბაიდენმა სი ძინპინს  უთხრა, რომ თუ ჩინეთი რუსეთს უკრაინაში ქმედებებისთვის მატერიალურად დაეხმარება, ამას "შედეგები" მოჰყვება.

დასავლური მედიის თანახმად, რუსეთმა ჩინეთს სამხედრო  დახმარებისთვის მიმართა და 5 სახის სამხედრო აღჭურვილობა სთხოვა, მათ შორის რაკეტები, დრონები, ჯავშანმანქანები და ლოგისტიკური მანქანები. ჩინური მხარე გავრცელებულ ინფორმაციას დეზინფორმაციას უწოდებს.