"Rugby Europe" უკრაინაში შეჭრის გამო, რუსეთში საქმიანობას წყვეტს

25 თებერვალი 2022, 21:36 1171 ნახვა

რაგბი ევროპა გმობს უკრაინაში სამხედრო ინტერვენციას და რუსეთის ფედერაციის ტერიტორიაზე საქმიანობას წყვეტს.

"რაგბი ევროპა იზიარებს საერთაშორისო საზოგადოების ღრმა შეშფოთებას ევროპაში უსაფრთხოების სიტუაციის გამო და მკაცრად გმობს რუსეთის მიერ უკრაინაში მიმდინარე სამხედრო შეჭრას.

რაგბი ევროპა ღრმად არის შეშფოთებული უკრაინის რაგბის საზოგადოების უსაფრთხოებით და ყურადღებით აკვირდება სიტუაციას.

როგორც ევროპული რაგბის მმართველი ორგანო, რაგბი ევროპა მოქმედებს მშვიდობის, პატივისცემისა და ადამიანის უფლებების ევროპული ღირებულებების შესაბამისად ოლიმპიური ქარტიის სულისკვეთებით. რაგბი ევროპამ მიიღო გადაწყვეტილება, შემდგომი გაფრთხილებამდე დაუყოვნებლივ შეაჩეროს რაგბის ტურნირებისა და მატჩების ორგანიზება რუსეთში. ეს ეხება ნებისმიერ ასაკობრივ და სქესის კატეგორიას, ეროვნულ თუ საკლუბო გუნდებს. შემდგომ გადაწყვეტილებებს მიიღებს რაგბის ევროპის დირექტორთა საბჭო მსოფლიო რაგბისთან კონსულტაციით“, - აღნიშნულია განცხადებაში.

აჭარის მაუწყებელი

სოც. ადმინისტრატორი