გაფიცული სოციალური აგენტები ხელფასების გაორმაგებას და პრემიერთან შეხვედრას ითხოვენ
20 იანვარი 2022, 13:35 982 ნახვათბილისსა და ბათუმში სოციალური მომსახურების სააგენტოს გაფიცული თანამშრომლების აქცია მიმდინარეობს.
გაფიცული თანამშრომლები დედაქალაქში მთავრობის ადმინისტრაციასთან, ბათუმში კი ჯანდაცვის სამინისტროსთან შეიკრიბნენ.
აჭარის ჯანდაცვის სამინისტროსთან შეკრებილია სოციალური მომსახურების სააგენტოს 30-მდე თანამშრომელი, მათ შორის ბათუმის, ხულოს, შუახევის და ხელვაჩაურის ფილიალების წარმომადგენლები.
ისინი ხელფასების გაორმაგებას, დეკრეტული შვებულების ანაზღაურებას და პრემიერ-მინისტრთან შეხვედრას ითხოვენ.
ქვეყნის მასშტაბით, სოციალურ სამსახურში დასაქმებული 600-ზე მეტი პირიდან, დაახლოებით 400-ია გაფიცული. მათ შორის არიან როგორც სოცაგენტები, ასევე იურისტებ და, სპეციალისტები.
ჯანდაცვის სამინისტრომ მათ, რამდენიმე დღის წინ, ხელფასების 60%-ით გაზრდა შესთავაზა. გაფიცულები ხელფასების გაორმაგებას ითხოვენ და ანაზღაურების შეთავაზებულ 60%-მდე ზრდას არ ეთანხმებიან. ისინი პროტესტის შეწყვეტას არ აპირებენ.
ამავე კატეგორიაში
#უსმინეთ!
#უყურეთ!
პოპულარული
ამინდი
მაუწყებლობა