დღეს მართლმადიდებელი ეკლესია ნათლისღებას ზეიმობს

19 იანვარი 2022, 00:02 618 ნახვა

მართლმადიდებელი ეკლესია დღეს ნათლისღებას აღნიშნავს. დღე­სას­წა­ულთან დაკავშირებით ტაძრებში წირ­ვა-ლოც­ვა აღესრულება.

ნათლისღების დღესასწაული თორმეტ სა­უფ­ლო დღესასწაულს შორის ერთ-ერთია.ის მდინარე იორდანეში იოანე ნათლისმცემლის მიერ მაცხოვრის ნათლობას უკავშირდება.

ნათლისღებას ღვთის გამოცხადების დღესასწაულსაც უწოდებენ. სახარების მიხედვით, სწორედ ამ დღეს განცხადდა სამება სრული სახით – ქრისტეს ნათლობის დროს სულიწმინდა მტრედის სახით გამოჩნდა, ზეციდან კი ხმა გაისმა: ეს არის ძე ჩემი საყვარელი, რომელიც მე სათნო ვიყავ".

ნათლისღების დღესასწაულზე წყლის კურთხევის მსახურება - დიდი აიაზმა სრულდება და ნაკურთხი წყალი მთელი წლის განმავლობაში ინახება.

აჭარაში, დღესასწაულს ტრადიციულად ზღვაში განბანვის რიტუალით შეხვდნენ. ქვეყანაში არსებული ეპიდვითარებიდან გამომდინარე ნათლისღების დღესასწაულთან დაკავშირებით, ღამით ზღვაში შთაფლვა ორგანიზებულად არ განხორციელებულა.

ბექა რომანაძე
ჟურნალისტი

ამავე კატეგორიაში