ბრიუსელში ნატო-რუსეთის საბჭოს სხდომა დასრულდა
12 იანვარი 2022, 17:19 903 ნახვა
ბრიუსელში ნატო-რუსეთის საბჭოს სხდომა დასრულდა. მოლაპარაკებები დაახლოებით 4 საათი გაგრძელდა. ნატოში შეხვედრისთვის გაცილებით ნაკლები დრო იყო გათვალისწინებული, რადგან თავდაპირველად გენერალური მდივნის იენს სტოლტენბერგის ბრიფინგი ადგილობრივი დროით 13 საათსა და 30 წუთზე იყო ჩანიშნული.
ნატო-რუსეთის საბჭოს სხდომა ევროპული უსაფრთხოების შესახებ რუსეთის ინიციატივებთან დაკავშირებით რუსეთისა და დასავლეთის ქვეყნების კონსულტაციების მეორე ეტაპი იყო.
პირველი ეტაპი 10 იანვარს ჟენევაში აშშ-რუსეთის წარმომადგენლებს შორის მოლაპარაკებები იყო, მესამე ეტაპი ხვალ ვენაში ეუთოს ფარგლებში გაიმართება. ნატო-რუსეთის საბჭოს სხდომის შედეგები ჯერ ცნობილი არ არის, ჯერჯერობით მხარეები მხოლოდ შემდგომი დიალოგისთვის მზაობას აცხადებენ.
ნატოში აშშ-ის მისიამ რუსეთთან მოლაპარაკებების შემდეგ განაცხადა, რომ ალიანსი ღიაა დიალოგისა და დიპლომატიისთვის.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
28 დეკემბრიდან 29 დეკემბრის დილამდე საქართველოში მოსალოდნელია დროგამოშვებით ნალექი, მთაში ზოგან ძლიერი თოვა და ქარბუქი - გარემო
გადასვლა პოსტზე 
მაუწყებლობა