ბაიდენის ადმინისტრაცია ახალ კოვიდრეგულაციებს აწესებს

05 ნოემბერი 2021, 13:45 741 ნახვა

აშშ-ის პრეზიდენტის ადმინისტრაციის განკარგულებით, 4 იანვრიდან ძალაში შედის ვაქცინაციასთან დაკავშირებული ახალი რეგულაცია, რომლის თანახმადაც კერძო კომპანიების თანამშრომლები სრულად უნდა იყვნენ ვაქცინირებულები ან კვირაში ერთხელ კოვიდ-19-ზე ტესტი ჩაუტარდეთ.

წესები ვრცელდება იმ კომპანიებზე, რომლებსაც 100 ან მეტი თანამშრომელი ჰყავთ. 5 დეკემბრიდან ყველა არავაქცინირებულმა დასაქმებულმა უნდა დაიწყოს პირბადის ტარება შენობაში.

აშშ-ში, კოვიდ 19-ით ყოველდღიურად ათასზე მეტი ამერიკელი იღუპება, მათი უმეტესობა არავაქცინირებულია. ბოლო მონაცემებით, აშშ-ში ზრდასრული მოსახლეობის 70% სრულადა არის ვაქცინირებული, 80%-ს კი მინიმუმ ერთი დოზა აქვს მიღებული.

გუგული ბერიძე

ჟურნალისტი