ფეხბურთის ნაკრების გეგმები

04 ნოემბერი 2021, 20:04 675 ნახვა

საქართველოს ეროვნული ნაკრები მსოფლიოს 2022 წლის ჩემპიონატის შესარჩევი ციკლში ბოლო მატჩს 11 ნოემბერს, ბათუმში შვედეთის წინააღმდეგ გამართავს. წლის ბოლო შეხვედრაში კი გუნდი 15 ნოემბერს, ტესტ-მატჩში უზბეკეთის ეროვნულ გუნდს უმასპინძლებს.

სანიოლმა ამ მატჩებისთვის 25 ფეხბურთელი გამოიძახა. მათ შორის ერთი დებიუტანტია - გორის დილას 22 წლის მეკარე ლუკა გუგეშაშვილი. სიაში არ არის ვალენსიას მეკარე გიორგი მამარდაშვილი - სანიოლმა მამარდაშვილი და მცველი საბა ხვადაგიანი 21-წლამდელთა ნაკრებს დაუთმო, რომელიც 16 ნოემბერს ბათუმში ინგლისის ახალგაზრდულ ნაკრებს ამხანაგურ მატჩში შეხვდება. საქართველოს ნაკრებში დინამო ბათუმის ოთხი ფეხბურთელია გამოძახებული: მეკარე ლაზარე კუპატაძე, მცველები გრიგოლ ჩაბრაძე, ირაკლი აზაროვი და ნახევარმცველი ვლადიმერ მამუჩაშვილი.

აჭარის საზოგადოებრივი მაუწყებელი

ადმინისტრატორი