საქართველოში საარჩევნო უბანზე ხმის მიცემა შეწყდა
02 ოქტომბერი 2021, 20:00 930 ნახვა
საქართველოში საარჩევნო უბნები 20:00 საათზე დაიხურა.
იწყება ხმის დათვლის პროცედურები. მას შემდეგ, რაც საუბნო შემაჯამებელი ოქმები შედგება, მათ საოლქო საარჩევნო კომისიები ცესკოს მიაწვდის და სპეციალურ ვებ-გვერდზე results.cec.gov.ge აიტვირთება.
ამომრჩევლებმა დღეს 64 მერი და 64 საკრებულოს 2 068 წევრი (როგორც პროპორციული, ისე მაჟორიტარული წესით) აირჩია.
საარჩევნო უბნები 07:00 საათზე გაიხსნა, ხმის მიცემა კი 08:00 საათზე დაიწყო.
არჩევნების ჩასატარებლად ქვეყნის მასშტაბით 3 664 საარჩევნო უბანი გაიხსნა, ასევე იყო გამონაკლისს შემთხვევაში შექმნილი 9 უბანი და სტაციონარულ სამკურნალო დაწესებულებებსა და იზოლაციაში (კარანტინი, თვითიზოლაცია) მყოფი ამომრჩევლების არჩევნებში მონაწილეობის უზრუნველყოფის მიზნით შექმნილი 70 სპეციალური უბანი.
ადგილობრივი თვითმმართველობის არჩევნებს 52 საერთაშორისო სადამკვირვებლო მისია უწევდა მეთვალყურეობას.
ამავე კატეგორიაში
#უსმინეთ!
#უყურეთ!
პოპულარული
ამინდი
მაუწყებლობა