მოსალოდნელი ტემპერატურის მატების გამო გაიზრდება ხანძრების რისკი – საგანგებო სიტუაციების სამსახური

27 აგვისტო 2021, 10:15 1266 ნახვა

საგანგებო სიტუაციების მართვის სამსახური მოსალოდნელი ტემპერატურის მატების გამო, მოსახლეობას აფრთხილებს ტყესა და მინდვრებში ხანძრების გაჩენის რისკების შესახებ.

''მომდევნო რამდენიმე დღის განმავლობაში მთელი საქართველოს მასშტაბით მოსალოდნელია ტემპერატურის მკვეთრი მომატება. ასევე გარკვეულ რაიონებში მოსალოდნელია ძლიერი ქარი, რის გამოც, იზრდება ტყისა და მინდვრის ხანძრების გაჩენის რისკი. საგანგებო სიტუაციების მართვის სამსახური მოგიწოდებთ, გამოიჩინოთ მაღალი სამოქალაქო პასუხისმგებლობა, არ დაანთოთ ცეცხლი სასოფლო სამეურნეო სავარგულებზე, ტყის ან ველის სიახლოვეს და არ დატოვოთ ცეცხლის კერები უყურადღებოდ.

გასათვალისწინებელია, რომ საყოფაცხოვრებო ნარჩენებს თვითაალება შეუძლიათ, შესაბამისად ნუ დაანაგვიანებთ გარემოს.

დაკვამლიანების ან ცეცხლის შემჩნევის შემთხვევაში კი დაუყოვნებლივ აცნობეთ შინაგან საქმეთა სამინისტროს საზოგადოებრივი უსაფრთხოების მართვის ცენტრ "112"-ს'' - წერია განცხადებაში.

აჭარის მაუწყებელი

სოც. ადმინისტრატორი