სასწრაფო დახმარების ექიმები 500-ლარიანი დანამატს მიიღებენ – ეკატერინე ტიკარაძე

18 აგვისტო 2021, 11:43 1173 ნახვა

ჯანდაცვის მინისტრის განცხადებით, უწყებათაშორისმა საკოორდინაციო საბჭომ გადაწყვიტა, რომ სასწრაფო დახმარების ექიმები 500 ლარიან დანამატს მიიღებენ.

ეკატერინე ტიკარაძის თქმით, დანამატს მიიღებს ყველა, განურჩევლად იმისა, თუ რომელ რეგიონში მუშაობენ.

„მინდა მადლობა გადავუხადო მთელს სამედიცინო საზოგადოებას, ყველა ჰოსპიტალს, ექიმებს, რომელიც ამ პროცესში პირველივე დღიდან არიან ჩართულნი. მინდა აღვნიშნო, რომ არაერთი პოლიტიკური პარტიის მხრიდან არის მცდელობა, სამთავრობო გუნდი და ექიმები ერთმანეთს დაუპირისპირონ. ეს შეეხება ექიმების ანაზღაურებას თუ მათ მიმართ მადლობის გადახდას.

მინდა ვთხოვო ყველას, რომ დღესდღეობით არ არის იმის დრო, მოხდეს მსგავსი დაპირისპირებები. სახელმწიფოს მხრიდან დაცულია ექიმების ყველა ინტერესი. ჩვენ რამდენიმე თვეა, თითქმის წელიწადია, რაც ექიმებს ვაძლევთ დანამატებს, რაც გაწერილია და საკმაოდ მაღალია მთელი სამედიცინო პერსონალის ანაზღაურება“, - განაცხადა ტიკარაძემ.

აჭარის მაუწყებელი

სოც. ადმინისტრატორი