უახლოეს დღეებში საქართველოში ჰაერის ტემპერატურა 40 გრადუსს გადააჭარბებს

04 აგვისტო 2021, 13:45 4895 ნახვა

გარემოს ეროვნული სააგენტოს ინფორმაციით, უახლოეს დღეებში საქართველოში ტემპერატურა მნიშვნელოვნად მოიმატებს. ჰაერის ტემპერატურამ დასავლეთ საქართველოში 6-7 აგვისტოს შესაძლებელია 40 გრადუსს, ხოლო 7-9 აგვისტოს აღმოსავლეთ საქართველოში 39 გრადუსს გადააჭარბოს.

მათვე ცნობით, 6 – 7 აგვისტოს შავი ზღვის სანაპირო რაიონებში, ზემო იმერეთში, კოლხეთის დაბლობსა და გორი-სურამის მონაკვეთზე იქროლებს აღმოსავლეთის მიმართულების ძლიერი ქარი.

უწყებაში განმარტავენ, რომ ჰაერის მაღალი ტემპერატურა და ძლიერი ქარი ხელს შეუწყობს ტყის ხანძრების გაჩენას.

აჭარის მაუწყებელი
სოც. ადმინისტრატორი

ამავე კატეგორიაში