ჟურნალისტების მორიგი პროტესტი

14 ივლისი 2021, 14:58 610 ნახვა

მთავრობის კანცელარიის შემდეგ, ალექსანდრე ლაშქარავას გარდაცვალების გამო მისი ფოტოები ჟურნალისტებმა ქუთაისის მერიაში გამოფინეს, ამ ფორმით გამოხატეს მორიგი პროტესტი.

მედიის წარმომადგენლების თქმით, 5 ივლისს პრემიერ-მინისტრის წახალისებით მედიის 53 წარმომადგენელს სცემეს, რის გამოც ბრძანების გამცემი, წამახალისებელი და მოძალადე პირების დასჯას ითხოვენ.

მათივე ინფორმაციით, აქცია-პერფორმანსი შეხვედრის ფონზე უნდა გამართულიყო.

ქუთაისის მერიის შენობაში იუსტიციის მინისტრ რატი ბრეგაძეს ელოდებოდნენ. ის ქუთაისის მერს უნდა შეხვედროდა და მემორანდუმი გაეფორმებინათ, თუმცა, ჟურნალისტების ინფორმაციით, მერიაში არცერთი მათგანი არ გამოჩენილა.

აჭარის საზოგადოებრივი მაუწყებელი

ადმინისტრატორი