მადრიდის საერთაშორისო ტურისტულ გამოფენაზე საქართველოს სტენდი საუკეთესოდ დასახელდა

24 მაისი 2021, 17:16 1323 ნახვა

აჭარის ტურიზმის დეპარტამენტის ინფორმაციით, რეგიონის ტურისტულ პროდუქტებს პოპულარიზაცია მადრიდის საერთაშორისო ტურისტულ გამოფენაზე გაუწიეს.

გამოფენაზე საქართველო პარტნიორი ქვეყნის სტატუსით იყო მიწვეული, სადაც 165 ქვეყნის 11 000 კომპანია და 7 ათასზე მეტი ჟურნალისტი იყო წარმოდგენილი.

გამოფენის ვიზიტორებს საშუალება ჰქონდათ მთავარ ვიდეოეკრანებზე საქართველოს სარეკლამო-საიმიჯო ვიდეორგოლები ენახათ და ქვეყნის ტურისტულ პროდუქტებს გაცნობოდნენ.

მადრიდის საერთაშორისო ტურისტულ გამოფენაზე საქართველოს სტენდი საუკეთესოდ დასახელდა.

''წელს, მადრიდის გამოფენა საქართველოს პრემიერ-მინისტრმა ირაკლი ღარიბაშვილმა ესპანეთის მეფე ფელიპე VI-სა და დედოფალ ლეტიციასთან ერთად გახსნა. გამოფენის ფარგლებში აჭარის ტურიზმის დეპარტამენტის ხელმძღვანელმა თინათინ ზოიძემ საქმიანი შეხვედრები გამართა საერთაშორისო მედიის, ტურისტული და სარეკლამო კომპანიების წარმომადგენლებთან'' - აღნიშნულია ინფორმაციაში.

აჭარის მაუწყებელი

სოც. ადმინისტრატორი