იუსტიციის სახლები და საზოგადოებრივი ცენტრები 4-დან 11 მაისის პერიოდის უქმეებზე იმუშავებენ

28 აპრილი 2021, 12:31 854 ნახვა

იუსტიციის სახლები და საზოგადოებრივი ცენტრები მომხმარებელს 4-დან 11 მაისის პერიოდის უქმეებზეც მოემსახურება. უწყების ინფორმაციით, აღნიშნულ პერიოდში მომხმარებლისთვის ხელმისაწვდომი იქნება ყველა სერვისი.

იუსტიციის სახლები და საზოგადოებრივი ცენტრები არ იმუშავებენ მხოლოდ აღდგომის დღესასწაულის უქმეებში – 30 აპრილიდან 3 მაისის ჩათვლით და შაბათ-კვირას, 8 და 9 მაისს. ამავე პერიოდში მიუწვდომელი იქნება იუსტიციის სახლის სატელეფონო მომსახურების ცენტრიც.

''იუსტიციის სახლსა და საზოგადოებრივ ცენტრში მომსახურების მიღება კვლავ პორტალ MY.GOV.GE-დან ვიზიტის წინასწარი დაჯავშნის პრინციპითაა შესაძლებელი. წინასწარი დაჯავშნის გარეშე მისული მომხმარებელი სერვისის მიღებას ვერ შეძლებს. ამასთან, იუსტიციის სახლი მოუწოდებს მომხმარებელს, მომსახურების მისაღებად გამოცხადდეს დაჯავშნისას მითითებულ დროს'' - წერია გავრცელებულ განცხადებაში.

აჭარის მაუწყებელი

სოც. ადმინისტრატორი