ბათუმსა და თბილისში კოვიდსასტუმროების დამატების საჭიროება გამოიკვეთა - გაბუნია
21 აპრილი 2021, 15:32 1110 ნახვა
საქართველოს ჯანდაცვის მინისტრის მოადგილის განცხადებით, ბათუმში, თბილისსა და ქუთაისში კოვიდსასტუმროების დამატების საჭიროება გამოიკვეთა.
თამარ გაბუნიას თქმით, ჰოსპიტალურ სექტორზე დაწოლაც გაიზარდა.
''1300-ზე მეტი შემთხვევა დაფიქსირდა გასული 24 საათის განმავლობაში, შემთხვევების რაოდენობა იმატებს და დადებითობის მაჩვენებელი რჩება 4%-ს ქვემოთ, თუმცა ყოველდღიური მაჩვენებელი უკვე საკმაოდ მაღალია რაც კიდევ ერთხელ მიუთითებს, რომ მნიშვნელოვანია პრევენციული ღონისძიებების ზედმიწევნით დაცვა.
4 400 საწოლიდან 3600 დაკავებულია, 500-ზე მეტი პაციენტი კი ინტენსიური თერაპიის განყოფილებაში მკურნალობს, 90 პაციენტი კი რეანიმაციაში, ფილტვის ხელოვნურ ვენტილაციაზეა. გაზრდილია კოვიდსასტუმროში მყოფთა მაჩვენებელიც'' - განაცხადა მინისტრის მოადგილემ.
დღეს საქართველოში კორონავირუსის 1 310 ახალი შემთხვევა გამოვლინდა, გარდაიცვალა 12 პაციენტი, ხოლო გამოჯანმრთელდა 632 პირი.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა