აქცია ნამახვანჰესის წინააღმდეგ
13 აპრილი 2021, 18:04 893 ნახვაპროტესტი გრძელდება რიონის ხეობაში. ამ წუთებში აქტივისტები სოფელ გუმათიდან ენკას ოფისისკენ მსვლელობით მიდიან. მათი მოთხოვნები უცვლელია. ნამახვანჰესის მშენებლობის მოწინააღმდეგეები აცხადებენ, რომ თუ პოლიცია მათ არ განუმარტავს, რატომ არ უშვებენ ნამოხვანჰესში, პროტესტის ნიშნად ენკას-ს ოფისთან მივლენ და გზას გადაკეტავენ.
აქტივისტი ვარლამ გოლეთიანი აცხადებს, რომ მათი კითხვა ლეგიტიმურია და პასუხი უნდა მიიღონ. მანვე აღნიშნა, რომ ხელისუფლების ეს ქმედებები გამოიწვევს მასშტაბურ აქციას თბილისში, არა იმიტომ, რომ დააორგანიზებენ, არამედ იმიტომ, რომ საზოგადოება თავის ბრაზს გამოხატავს.
გუშინ, სოფელ გუმათში გამართული საპროტესტო აქციის დროს დაპირისპირება იყო აქტივისტებსა და პოლიციას შორის. მას შემდეგ, რაც აქტივისტები პოლიციამ სოფელ ნამახვანისკენ არ გაუშვა, მათ მანქანებით მსვლელობა მოაწყვეს ქუთაისისკენ.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა