მოფარიკავე სანდრო ბაზაძემ მსოფლიო თასზე ბრინჯაოს მედალი მოიპოვა

14 მარტი 2021, 09:31 822 ნახვა

უნგრეთის დედაქალაქ ბუდაპეშტში ფარიკაობაში მსოფლიოს თასის გათამაშება მიმდინარეობს. ქართველმა მოფარიკავემ სანდრო ბაზაძემ ტურნირზე მესამე საპრიზო ადგილი დაიკავა და ბრინჯაოს მედლის მფლობელი გახდა.

სანდრო ნახევარფინალში მასპინძელ არონ სილადისთან 6:15 დამარცხდა, თუმცა საქართველოს ბრინჯაოს მედალი მოუტანა. პირველი ადგილი ტურნირზე სამხრეთ კორეელმა ო სან უკმა მოიპოვა, მეორე პოზიცია უნგრელმა არონ სილადმა დაიკავა, ხოლო ბრინჯაოს მედლები ქართველმა სანდრო ბაზაძემ და გერმანელმა მატიას საბჭომ მოიპოვეს.

მსოფლიო თასის გამარჯვებულ რეიტინგში სანდრო ბაზაძემ მე-7 ადგილი შეინარჩუნა. დღეს ფარიკაობაში მსოფლიო თასი გუნდურ შეჯიბრებაში გაიმართება.

საქართველოს ქალთა ნაკრები 12:00 საათზე საწყის ეტაპზე ჩინეთის ნაკრებს, ხოლო კაცთა ნაკრები იმავე ეტაპზე ვენესუელას (17:00 საათზე) დაუპირისპირდება.

სეო წილოსანი

სპორტული ჟურნალისტი