დაკავებების სერია ნავალნის მხარდასაჭერ აქციებზე

23 იანვარი 2021, 19:09 144 ნახვა

რუსეთში, ოპოზიციონერი პოლიტიკოსის, ალექსეი ნავალნის მხარდამჭერ საპროტესტო აქციებზე, სამართალდამცავებმა ამ დროისთვის  863 ადამიანი დააკავეს, დაკავებები ქვეყნის 50-მდე ქალაქში განხორციელდა. აღსანიშნავია, რომ პოლიციამ მოსკოვში მოქალაქეების დაკავება ჯერ კიდევ საპროტესტო აქციის დაწყებამდე დაიწყო.

გავრცელებული ინფორმაციით მოსკოვში, ამ დროისთვის 190-ზე მეტი ადამიანია დაკავებული.ცნობისათვის საპროტესტო აქციები, სლოგანით „თავისუფლება ნავალნის!“, რუსეთის ათობით ქალაქში მიმდინარეობს. ბერლინიდან მოსკოვში დაბრუნებული რუსი ოპოზიციონერი პოლიტიკოსი, ალექსეი ნავალნი, აეროპორტში 17 იანვარს დააკავეს. მეორე დღეს სასამართლომ ნავალნის 30-დღიანი წინასწარი პატიმრობა შეუფარდა. 

ნავალნის ორგანიზაციამ 4 დღის წინ გამოაქვეყნა ვიდეო პუტინის მილიარდნახევრიანი სასახლის შესახებ.  ვიდეოს იუთუბზე უკვე 67 მილიონზე მეტი ნახვა აქვს.რუსეთის ხელისუფლება ნავალნის მის მიერვე დაფუძნებული ორგანიზაციის, “ანტიკორუფციული ფონდის” კუთვნილი თანხების თაღლითურად მითვისებაში ადანაშაულებს.

აჭარის საზოგადოებრივი მაუწყებელი
ადმინისტრატორი

ამავე კატეგორიაში