მომავალი წლის რესპუბლიკურ ბიუჯეტს მეხუთე მოწვევის უმაღლესი საბჭო დაამტკიცებს
14 დეკემბერი 2020, 14:35 1126 ნახვამომდევნო წლის რესპუბლიკურ ბიუჯეტს ახალი მეხუთე მოწვევის უმაღლესი საბჭო დაამტკიცებს. მიმდინარე წელთან შედარებით 2021 წლის რესპუბლიკური ბიუჯეტი 10 მილიონი ლარით ნაკლები იქნება. ჯამში ეს იქნება 328 მილიონ 474 ათასი ლარი. შემცირებული ნაწილი ძირითადად პანდემიის გამო დაწესებულ შეზღუდვებს და ამ მიზეზით აკრძალულ ღონისძიებებს ეხება. მეოთხე მოწვევის უმაღლესი საბჭოს ბიუროს სხდომაზე დღეს მიიღეს გადაწყვეტილება ფინანსური დოკუმენტი სესიაზე განიხილონ. დღესვე ბიუროს სხდომაზე ცნობად მიიღეს მიმდინარე წლის ბიუჯეტის 3 კვარტლის ანგარიში, რომელიც შესრულების ნაწილში 80 პროცენტია. ბოლო ბიუროს სხდომას არ ესწრებოდა ოპოზიცია. ისინი ბოიკოტის რეჟიმში იმყოფებიან. დეპუტატებმა გასული 4 წელი წარმატებულად შეაფასეს. თქვეს, რომ საკანონმდებლო მუშაობის მხრივ უმაღლეს საბჭოს ნაყოფიერი წელი ჰქონდა.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა