ჩემპიონთა ლიგაზე ''ლანჩხუთის'' სავარაუდო მეტოქეები ცნობილია

23 ნოემბერი 2020, 20:37 1898 ნახვა

"ლანჩხუთის" ქალთა საფეხბურთო კლუბის სავარაუდო მეტოქეების სია ჩემპიონთა ლიგის 1/16-ფინალში ოთხ გუნდამდე შემცირდა. გურულებმა საკვალიფიკაციო ეტაპზე ორივე შეხვედრა მოიგეს და საუკეთესო 32 კლუბში გავიდნენ.

გიორგი ჩხაიძის გაწვრთნილმა გუნდმა ჯერ ყაზახეთში "ოკჟეტპესი" 2:1 დაამარცხა. შემდეგ კი რუმინეთში "ოლიმპია კლუჟს" 1:0 მოუგო და პირველი ქართული გუნდი გახდა, რომელიც ჩემპიონთა ლიგის ძირითად ბადეში ითამაშებს. ლანჩხუთელები წილისყრამდე განუთესავ გუნდებს შორის იმყოფებიან. ჩემპიონთა ლიგის წილისყრა 24 ნოემბერს გაიმართება.

"ლანჩხუთის’’ სავარაუდო მეტოქეები არიან ჩემპიონთა ლიგის 1/16-ფინალში: ბიიკ კაზიგიურტი (ყაზახეთი) ვოლფსბურგი (გერმანია) ლსკ კვინერი (ნორვეგია) როსენგარდი (შვედეთი).

სეო წილოსანი

სპორტული ჟურნალისტი