მთიან აჭარაში ტურისტულ მარშრუტებზე საპიკნიკე ადგილები მოეწყო

28 ოქტომბერი 2020, 10:23 155 ნახვა

მთიან აჭარაში, ტურისტულ მარშრუტებზე საპიკნიკე ინფრასტრუქტურა მოეწყო. აჭარის ტურიზმის დეპარტამენტის ინფორმაციით, ერთ-ერთი საპიკნიკე ჩირუხის ალპურ ტურისტულ მარშრუტზე, ზღვის დონიდან 2,148 მ სიმაღლეზეა განთავსებული, რომელიც საშუალებას აძლევს მოგზაურებს ღია სივრცეში განიტვირთონ, დაისვენონ და ულამაზესი პანორამული ხედებით დატკბნენ.

ჟინვალის ჩანჩქერი, შრატიანის ტბა, სარიჩაირის იაილები, ყარაგოლის ტბა, თეთრობის იაილები, ხიხანის ციხე, ალპური ბოტანიკური ბაღი - მცირე ჩამონათვალია იმ ტურისტული ადგილებისა, რომელთა ნახვაც ტურისტებს ჩირუხი-ხიხანი-გოდერძის სათავაგადასავლო ტურისტულ მარშრუტზე შეუძლიათ.

უწყების ცნობით, გარდა ჩირუხისა მცირე მოსასვენებელი ზონები მოეწყო სოფელ შუამთასა და კაპნისთავშიც.

აჭარის მაუწყებელი
სოც. ადმინისტრატორი

ამავე კატეგორიაში