24 გარდაცვლილი და 111 დაშავებული დაპირისპირების შედეგად - აზერბაიჯანის საგარეო უწყება

04 ოქტომბერი 2020, 18:10 1393 ნახვა

სომხეთის მხრიდან ცეცხლის გახსნის შედეგად ამ დროისთვის დაღუპულია 24 აზერბაიჯანელი მშვიდობიანი მოქალაქე და დაჭრილია 111 ადამიანი - ამ ინფორმაციას აზერბაიჯანის საგარეო საქმეთა სამინისტრო ფეისბუქის ოფიციალურ გვერდზე ავრცელებს. მათივე ცნობით მინისტრი ჯეიჰუნ ბაირმოვი ეუთოს მინსკის ჯგუფის ფრანგ თანათავმჯდომარეს სტეფან ვისკონტის ესაუბრა ტელეფონით და რეგიონში არსებული რთული ვითარება გააცნო, ვისკონტიმ კი ცეცხლის შეწყვეტის მნიშვნელობაზე გაამახვილა ყურადღება.

აზერბაიჯანის ხელისუფლების ინფორმაციით, დაჭრილია არაღიარებული მთიანი ყარაბაღის ე.წ. პრეზიდენტი, რომელიც მშვიდობიანი მოქალაქეების და სამოქალაქო ობიექტების დაბომბვას პირადად ხელმძღვანელობდა. სომხეთი კი არუთინიანის დაჭრის ფაქტს დეზინფორმაციას უწოდებს. მთიან ყარაბაღში სამხედრო დაპირისპირება 27 სექტემბერს განახლდა. სომხეთი და აზერბაიჯანი პროვოცირებაში ერთმანეთს ადანაშაულებენ.

აჭარის საზოგადოებრივი მაუწყებელი

ადმინისტრატორი