კოვიდინფიცირებული ორსული ბათუმის სამშობიაროდან თბილისში გადაჰყავთ

26 სექტემბერი 2020, 18:15 431 ნახვა

ბათუმის სამშობიარო სახლიდან   კოვიდინფიცირებული ორსული თბილისში პირველ საუნივერსიტეტო კლინიკაში უნდა გადაიყვანონ, პაციენტს კორონავირუსისთვის დამახასიათებელი სიმპტომები დაეწყო რის გამოც მისი ჯანმრთელობის  მდგომარეობა მეორე დღეა საყურადღებოა -აცხადებენ მედიკოსები.

სამშობიარო სახლში სულ  15 პაციენტს მკურნალობენ, 3 ახალშობილს კი კოვიდ -19 არ დაუდასტურდა. 19  მძიმე პაციენტი ჰყავთ მოთავსებული ბათუმის რესპუბლიკური საავადმყოფოს რეანიმაციაში, მათგან 3-ის მდგომარეობა კრიტიკულია.33 არასრულწლოვანი ინფიცირებულია ბათუმის ინფექციურ საავადმყოფოში, მედიკოსების თქმით ყველას მდგომარეობა დამაკმაყოფილებელია.

2 პაციენტი კოვიდკარანტინში გადაიყვანეს და ამავე რაოდენობის ახალი პაციენტი მიიღეს კლინიკა „მედალფაში“, სადაც ყველა თავისუფალი ადგილი უკვე ამოწურულია. ადგილები აღარ აქვთ კლინიკა „ბაუ“შიც. საზ ჯანდაცვის ცენტრის ინფორმაციით,   აჭარის 8 კოვიდ ცენტრში 92 საწოლია თავისუფალი.

აჭარის საზოგადოებრივი მაუწყებელი
ადმინისტრატორი

ამავე კატეგორიაში