''ვებსკოლა“ - ახალი პროექტი აბიტურიენტებისთვის

02 მაისი 2020, 15:20 1590 ნახვა

საქართველოს განათლების, მეცნიერების, კულტურისა და სპორტის სამინისტრო აბიტურიენტებისთვის ახალ პროექტს „ვებსკოლას“ იწყებს, რომელიც მათ მიღებული ცოდნის განმტკიცებისა და ახალი ცოდნის შეძენის შესაძლებლობას მისცემს. ინფორმაციას განათლების სამინისტრო ავრცელებს. პროექტის ფარგლებში, პრაქტიკოსი მასწავლებლები აბიტურიენტებისთვის ჩაატარებენ ვებინარებს, რომლებიც პლატფორმა ელ.გი-ზე აიტვირთება.

ვებინარების განრიგი ყოველკვირეულად განახლდება და ეტაპობრივად ყველა საგანს მოიცავს. სამინისტროს ცნობით, ახალი პროექტი აბიტურიენტებისთვის 4 მაისიდან იწყება და 4 ივლისის ჩათვლით გაგრძელდება. ვებინარებზე დარეგისტრირება კი ნებისმიერ მსურველს 2 მაისიდან შეეძლება.

აჭარის საზოგადოებრივი მაუწყებელი

ადმინისტრატორი