სამების საკათედრო ტაძარში საღვთო ლიტურგიას კათოლიკოს პატრიარქი ილია მეორე აღავლენს

16 აპრილი 2020, 11:40 1182 ნახვა

დღეს დიდი ხუთშაბათია, დილიდან ტაძრებში მსახურება სრულდება. სამების საკათედრო ტაძარში საღვთო ლიტურგიას კათოლიკოს პატრიარქი ილია მეორე აღავლენს. წესის მიხედვით კათოლიკოს-პატრიარქი მსახურებაში მონაწილე 12 სასულიერო პირს ფეხს ბანს.

დიდ ხუთშაბათს ტაძრებში ასევე 12-გზის სახარება იკითხება, რომლის დროსაც წმინდა წერილიდან 12-ჯერ წაიკითხავენ მონაკვეთებს იესო ქრისტეს ცხოვრებისა და ჯვარცმის შესახებ. 12-გზის სახარების კითხვა 16:00 საათზე დაიწყება.

ვნების შვიდეულში დიდი ხუთშაბათი განსაკუთრებული დღეა. წმინდა სახარების მიხედვით ამ დღეს მაცხოვარმა თავის მოწაფეებთან ერთად ბოლო პასექი და ფეხთბანვა აღასრულა.

აჭარის საზოგადოებრივი მაუწყებელი

ადმინისტრატორი