საზოგადოებრივი მაუწყებლის აჭარის ტელევიზიისა და რადიოს ალტერნატიული პროფკავშირი განცხადებას ავრცელებს, რომელშიც აღნიშნულია, რომ 23 მარტიდან, აჭარის მაუწყებლის საეთერო ბადე, ხელმძღვანელი პირების გადაწყვეტილების საფუძველზე რადიკალურად შეიცვალა.  

ციტატა: გადაცემათა სრული უმრავლესობა შეჩერდა განუსაზღვრელი ვადით.    ამგვარი ქცევის ოფიციალურ მოტივად კორონავირუსის პანდემია და შესაბამისად - დასაქმებულთა უსაფრთხოების დაცვა დასახელდა თუმცა, გამოვთქვამთ გონივრულ ეჭვს სხვა მოტივების არსებობის შესახებ ხოლო გადაცემის გაჩერებით გაღარიბდა მაუწყებლის საეთერო ბადე. ალტერნატიული პროფკავშირი მიმართავს აჭარის საზოგადოებრივი მაუწყებლის ხელმძღვანელ პირებს, - ა) უზრუნველყონ საეთერო ბადეში იმ შეჩერებული გადაცემების აღდგენა [მოდიფიცირებული ფორმატით], რომლებსაც შეუძლიათ ადეკვატურად უპასუხონ საზოგადოებრივ საჭიროებებს და - ბ) მისცენ დასაქმებულებს საკუთარი პროფესიული საქმიანობის განხორციელების შესაძლებლობა [უსაფრთხოების წესების მკაცრი დაცვის ფონზე]. - აღნიშნულია განცხადებაში .