ჟურნალისტური ეთიკის ქარტია- კრიტიკული კითხვები საზოგადოების ინფორმირებულობას სჭირდება

29 მარტი 2020, 18:25 1821 ნახვა

საქართველოს ჟურნალისტური ეთიკის ქარტია მოუწოდებს ხელისუფლებას და ყველა პირს, პატივი სცენ საზოგადოებას და უპასუხონ ჟურნალისტების მიერ დასმულ შეკითხვებს. ხელისუფლებას უნდა ესმოდეს, რომ საჯარო ინფორმაციის ხელმისაწვდომობის და მედიასთან გამჭვირვალე კომუნიკაციის მნიშვნელობა მოსახლეობის წინაშე მთავრობის ანგარიშვადებულების ნაწილია.

გვესმის, რომ ხელისუფლებაში მყოფი პირების გრაფიკი დატვირთულია, თუმცა, საზოგადოებასთან საუბარი ამავე გრაფიკის ნაწილი უნდა იყოს. ჟურნალისტები სწორედ მოქალაქეების ინფორმირებისთვის საჭირო კითხვებს სვამენ. -აცხადებენ ქარტიაში. ცნობისთვის 27 მარტს, ტვ პირველის გადაცემა ,,დღის ამბებში” ამირან გამყრელიძესა და პაატა იმნაძესთან ინტერვიუების დროს დასმული კითხვების გამო, ჟურნალისტები საზოგადოების ერთი ნაწილის მხრიდან შეურაცხყოფისა და უსაფუძვლო კრიტიკის საგანი გახდნენ.

აჭარის საზოგადოებრივი მაუწყებელი

ადმინისტრატორი