ხულოში ირემაძეების საცხოვრებელი სახლი დაიწვა

06 თებერვალი 2020, 14:33 2563 ნახვა

ხანძარი იყო ხულოში. სოფელ ღორჯომში ირემაძეების ხის საცხოვრებელი სახლი დაიწვა. ხანძრის დროს არავინ დაშავებულა. სახლში ოთხი ადამიანი ცხოვრობდა. დაიწვა სახლის მიმდებარედ დამხმარე შენობა-ნაგებობის ნაწილიც.

დაზარალებულები ამ დროისთვის თავს მეზობელს აფარებენ.  ხულოს მერიაში ამბობენ, რომ ზარალს კომისია დაითვლის და  შემდეგ გადაწყდება რა სახით მოხდება  ოჯახის დახმარება.

შინაგან საქმეთა სამინისტროს ინფორმაციით საქმეზე გამოძიება 187-ე მუხლის მეორე ნაწილით დაიწყო,   რაც ნივთის ცეცხლით დაზიანებას ან განადგურებას გულისხმობს. ხანძარი ლიკვიდირებულია. ადგილზე  სახანძრო სამსახურის ბრიგადები იყო  მობილიზებული.

ლენა მამულაძე
ჟურნალისტი

ამავე კატეგორიაში