500 ევროიანი ყალბი ვალუტის გასაღების ფაქტზე 2 პირი დააკავეს

30 ოქტომბერი 2019, 10:42 3562 ნახვა

ყალბი ვალუტის გასაღების ფაქტზე 2 პირი დააკავეს. გამოძიებამ დაადგინა, რომ ერთ-ერთმა ბრალდებულმა თურქეთის რესპუბლიკიდან შემოიტანა 500 ევროს ნომინალის ყალბი ბანკნოტები, საიდანაც 2 მოქალაქის დახმარებით, 9800 ლარად საქართველოს მოქალაქეზე გაასაღა 10 ცალი 500 ევროიანი ბანკნოტი, ხოლო 25 ერთეული ანალოგიური ნომინალის მქონე ბანკნოტი ამოღებულია მისი საცხოვრებელი სახლის ჩხრეკის შედეგად.

ჯამში ამოღებულია 17500 ევროს ყალბი ბანკნოტები.

გამოძიება ყალბი ვალუტის გასაღების ფაქტზე მიმდინარეობს (საქართველოს სსკ-ის 212-ე მუხლის მე-2 ნაწილის ,,გ" ქვეპუნქტით, რაც სასჯელის სახით თავისუფლების აღკვეთას 7-დან 10 წლამდე ვადით ითვალისწინებს).

გამოძიებას სახელმწიფო უსაფრთხოების სამსახურის ანტიკორუფციული სააგენტო აწარმოებს.

აჭარის საზოგადოებრივი მაუწყებელი

ადმინისტრატორი

ყალბი ვალუტა 500 ევროანი 2 პირი დააკავეს