ერთლარიანი მედიკამენტების მარაგი ამოწურულია

18 სექტემბერი 2019, 21:00 3198 ნახვა

მთავრობის მიერ დაანონსებული მასშტაბური პროექტი მედიკამენტების ერთ ლარად მიწოდებასთან დაკავშირებით და მარაგის გარეშე დარჩენილი აფთიაქები. ბათუმში სოციალურად დაუცველებს და პენსიონერებს, ქრონიკული დაავადებებისთვის საჭირო 35 დასახელების წამლის შეძენა წესით ორ აფთიაქში უნდა შეეძლოთ, მაგრამ არცერთ მათგანში დღეს ჩამონათვალის დიდი ნაწილი არ მოიპოვებოდა.

მოქალაქეებმა გვითხრეს, რომ ხშირად ყოველ დღე მისაღები აბების შესაძენად რამდენიმედღიან რიგში უხდებათ დგომა. საჭიროებიდან გამომდინარე კი ასევე ხშირად დაცლილი მარაგის ფონზე, წამლებს ისევ ძველი ფასით და საკუთარი ხარჯით ყიდულობენ.

სხვათა შორის მთავრობის ამ ინიციატივის გამო ბათუმის მერიამ 4 კონკრეტული პროგრამა შეაჩერა - წესით ეს პროგრამები მთავრობის ინიციატივას უნდა ჩაენაცვლებინა.

ჯენი კვანტალიანი

ჟურნალისტი

ერთლარიანი მედიკამენტები აფთიაქი წამალი მთავრობა