ქობულეთში ავარიის დროს ტურისტები და ბავშვებიც დაშავდნენ

13 ივლისი 2019, 22:14 6464 ნახვა

აჭარის საზოგადოებრივ მაუწყებელს ადგილზე დაუდასტურეს რომ საქართველოს მოქალაქეებთან ერთად ტურისტებიც დაშავდნენ. ჩვენი ინფორმაციით ქართველებთან ერთად დაშავებულია არაბები და პოლონელები. მათ შორის 2 არასრულწლოვანია. მათ ქირურგიული ჩარევა ჩაუტარდათ.

ავარიაში დაშავებული ოჯახიდან ცოლ-ქმარი გარდაიცვალა, ბავშვების მდგომარეობა კი მძიმეა.

დაშავებულთა ნაწილის მდგომარეობა მძიმეა. უტარდებათ შესაბამისი კვლევები. მობილიზებულია ქუთაისის კატასტროფის ცენტრის 2 ბრიგადა. ადგილზე იმყოფება აჭარის ჯანდაცვის მინისტრი ზაალ მიქელაძე.

ბათუმი-ქობულეთის შემოვლით გზაზე ერთმანეთს სამი მინივენი შეეჯახა. ავარიის შედეგად გარდაიცვალა 2 და დაშავდა 11 ადამიანი. დაშავებულები ქობულეთის კლინიკებშია გადაყვანილი.

შინაგან საქმეთა სამინისტრომ ფაქტზე გამოძიება 276 მუხლით დაიწყო რაც უსაფრთხოების წესების დარღვევას გულისხმობს.

ნონა დიასამიძე

ჟურნალისტი

ავარია ქობულეთის შემოვლით გზაზე გარდაცვლილი დაშავებულები